ગાંધીનગર: ફાયર સેફ્ટી રિન્યુઅલની NOC આપવા માટે રૂ.૨૦ હજારની લાંચ માંગનાર ગાંધીનગર મ્યુનિસિપલ કોર્પોરેશનના સબ ફાયર ઓફિસર અને ઈન્ચાર્જ ચીફ ફાયર ઓફિસર રાજેશકુમાર બાબુલાલ પટેલને ભરૂચ ACBની ટીમે છટકું ગોઠવી રૂ.૨૦ હજારની લાંચ સ્વીકારતા ઝડપી પાડ્યા હતા. સેક્ટર-૧૭ સ્થિત ફાયર એન્ડ ઈમરજન્સી સર્વિસની કચેરીમાં કાર્યવાહી હાથ ધરાઈ હતી. ટ્રેપીંગ અધિકારી તરીકે પોલીસ ઇન્સ્પેક્ટર એમ.જે. શિંદે તથા ટીમે કામગીરી કરી હતી.
