રાજ્યમાં સક્રિય ચોમાસાની સિસ્ટમને કારણે આગામી 48 કલાક દક્ષિણ, મધ્ય અને પૂર્વ ગુજરાતમાં ભારેથી અતિભારે વરસાદની આગાહી કરવામાં આવી છે. નવસારી અને વલસાડ જિલ્લામાં રેડ એલર્ટ, જ્યારે સુરત, તાપી અને ડાંગમાં ઓરેન્જ એલર્ટ જાહેર કરાયું છે.
અમદાવાદ અને ગાંધીનગરમાં પણ ભારે વરસાદની શક્યતા વ્યક્ત કરવામાં આવી છે. તંત્રે લોકોને બિનજરૂરી બહાર ન નીકળવા અપીલ કરી છે. છેલ્લા બે દિવસના ભારે વરસાદથી અનેક શહેરોમાં જનજીવન પ્રભાવિત બન્યું છે અને અત્યાર સુધીમાં અંદાજે 38 હજાર લોકોનું રેસ્ક્યૂ કરવામાં આવ્યું છે.
