તાપી જિલ્લા મેજિસ્ટ્રેટના જાહેરનામાનો ભંગ કરવા બદલ સોનગઢના એક ગેસ્ટ હાઉસના મેનેજર વિરુદ્ધ પોલીસે કાયદેસરની કાર્યવાહી હાથ ધરી છે.
તાપી પોલીસના SOG દ્વારા સોનગઢ આર.ટી.ઓ. ચેક પોસ્ટ નજીક સુરત-ધુલિયા રોડ પર આવેલા ‘સાંઇકૃપા ગેસ્ટ હાઉસ’ ખાતે સરપ્રાઈઝ ચેકિંગ હાથ ધરવામાં આવ્યું હતું. તપાસ દરમિયાન જાણવા મળ્યું હતું કે, ગેસ્ટ હાઉસના મેનેજર દિપકકુમાર સુખાભાઇ ચૌધરી (ઉં.વ. ૨૬) એ ગુજરાત પોલીસની “PATHIK” વેબસાઇટ પર પોતાના ગેસ્ટ હાઉસનું રજીસ્ટ્રેશન કરાવ્યું ન હતું. આ ઉપરાંત, ત્યાં રોકાતા મુસાફરોની કોઈ ઓનલાઇન ડેટા એન્ટ્રી પણ કરવામાં આવતી ન હોતી.
જિલ્લામાં બહારથી આવતા અસામાજિક અને રાષ્ટ્રવિરોધી તત્વો પર નજર રાખી શકાય તે માટે મુસાફરોની ઓનલાઇન માહિતી આપવી ફરજિયાત છે. આ નિયમનો ઉલ્લંઘન કરવા બદલ એસ.ઓ.જી. પોલીસ કર્મચારી જયેશભાઇ પાટીલની ફરિયાદના આધારે સોનગઢ પોલીસે મેનેજર વિરુદ્ધ ગુનો નોંધી વધુ તપાસ હાથ ધરી છે.
