મહુવા તાલુકાના કાકરિયા ગામે હોડી ફળિયામાં રહેતો અને મજૂરીકામ કરી પોતાના પરિવારનું ગુજરાન ચલાવતા 30 વર્ષીય કેશુ મંગુ હળપતિએ ગળે ફાંસો ખાઈ આત્મહત્યા કરી લીધી હતી. 
અગમ્ય કારણોસર યુવાને પોતાના ઘરના ગાળામાં છતના ભાગે લગાવેલ પતરા ફીટ કરવાના લોખંડના એંગલ સાથે કાપડનો દુપટ્ટો બાંધી ગળે ફાંસો ખાઈ લીધો હતો. ઘટનાની જાણ થતાં પરિવારજનોએ મહુવા પોલીસને જાણ કરી હતી. પોલીસે મરનાર યુવાનના મૃતદેહનો કબ્જો લઈ પી.એમ કરાવી અકસ્માત મોતનો ગુનો દાખલ કરી વધુ કાયદેસરની કાર્યવાહી હાથ ધરી છે.
