સુરત જિલ્લાના મહુવા તાલુકાના દેદવાસણ ગામના શિક્ષક દંપતિના પુત્ર મિલન પટેલની, જેમણે પાયલોટ બની કોમર્શિયલ પાયલોટ બની અન્ય યુવાનોને આકાશને આંબવાની પ્રેરણા આપી છે. શિક્ષણ, સંકલ્પ અને સરકારની સહાયથી આદિજાતિ પરિવારના મિલન પટેલે આકાશમાં ઊંચી ઉડાન ભરી છે.
મિલન અજિતભાઈ પટેલ હાલ ઇન્ડિગો (IndiGo) એરમાં પાયલોટ તરીકે પસંદગી પામ્યો છે, અને થોડા દિવસોમાં જ ફરજ પર હાજર થશે. પોતાના જીવનના સંઘર્ષ અને સપનાની ઉડાન વિશે જણાવતાં કહ્યું કે, એરોનોટિકલ એન્જિનિયરિંગનો અભ્યાસ દરમિયાન પાયલોટ બનવાનો વિચાર દ્રઢ થયો.રાજ્ય સરકારના આદિજાતિ વિકાસ નિગમ દ્વારા મળતી રૂ.૨૫ લાખની કોમર્શિયલ પાયલોટ લોન સહાય યોજના વિશે માહિતી મળી. માંડવી તાલુકા કચેરીમાં અરજી કરી અને થોડા જ સમયમાં લોન મંજૂર થઈ ગઈ. આર્થિક સહાય મળતાં અમેરિકા જઈને કોમર્શિયલ પાયલોટનો અભ્યાસ અને તાલીમ મેળવી. ઇન્ડિગો કંપનીના દરેક રાઉન્ડ સફળતાપૂર્વક પસાર કરતા નોકરી મળી.
